هَر کاجِه دَری ؛ مازِرون رِه یادنَکن

مُبل سَر نیشتی:پیت لَمه رِه یاد نَكن...

سَرمایه‌دار بَیی:فقیری رِه یاد نَكن...

زِوون خارِجی یاد بَییتى:مازِرونی‌زِوون رِه یاد نَكن...

چار نفر ِرییس بَیى:گتِ و كچیكی رِه یاد نَكن...

تِه وَضع خارِه ، اَرباب بَیی : شه رعیتى رِه یاد نَكن...

تِه كِت و شِلوار نو بَیّـِه:احوالپُرسی رِه یاد نَكن...

وقتی كه راحِت مُجِنی:لینگ تـَلی رِه یاد نَكن...

آلو طِلایی دَرخارنـی:تِرش هَلی رِه یاد نَكن..